Категорија: Свет
ВИДЕО:Атина Експлозија и пожар во ресторан, шестмина повредени
Најмалку шест лица се повредени, а едно се води за исчезнато, по експлозијата која во четвртокот се случила во ресторан за брза храна, во центарот на Атина.
Како што пренесе грчката агенција АНА, веднаш по експлозијата во ресторанот избувнал пожар. Најверојатна причина за експлозијата е истекување на гас. Во гаснењето на пожарот учествувале 20 пожарникари со осум возила.
