Категорија: Спорт
Хари Кејн во Тотенхем до 2022 година
Напаѓачот на Тотенхем Хари Кејн, во четврток го продолжил договорот со клубот до 2022 година, пренесе британскиот сервис БиБиСи.
Хари Кејн во изминатите две сезони е еден од најдобрите играчи на Тотенхем, а минатата сезона со 25 голови беше и најдобар стрелец во Премиерлигата.
Неофицијално, со новиот договор Кејн неделно ќе заработува 125.000 фунти или годишно 6,5 милиони фунти, што го прави најплатениот фудбалер на Тотенхем на сите времиња.
Овој 23-годишен напаѓач е дете на Тотенхем, а за првиот тим има одиграно 137 натпревари и постигнато 70 голови.
Кејн е стандарден репрезентативец на Англија, има одиграно 17 натпревари и постигнато пет голови, а на своето деби против Литванија постигна гол 73 секунди по влегувањето во игра.
Роналдињо и Рикелме сакаат да играат за Шапекоенсе
Легендарните фудбалери Роналдињо Гаучо и Хуан Рамон Рикелме изразиле желба од почетокот на наредната сезона да играат за бразилскиот Шапекоенсе.
Овие двајца играчи, кои остварија блескави кариери, сакаат да играат за Шапикоенсе во знак на солидарност со жртвите на трагичниот настан, кој се случи ноќта помеѓу 28 и 29.ноември, кога во авионска несреќа загинаа 18 фудбалери и тренерот на клубот.
Рикелме е во играчка пензија веќе две години, но бил подготвен повторно да се активира и шест месеци, без паричен надомест, да игра за Шапекоенсе.
„Мојот брат и пријателите сакаат повоторно да играм. Ќе видиме што ќе се случи“, изјавил за весникот Ел Бокон, Рикелме.
Бразилските медиуми пишуваат дека сличен чекор ќе направи и некогаш најдобриот фудбалер во светот Роналдињо.
