Категорија: Македонија
Груевски:Низа активности за почиста животна средина
Дивите депонии и понатаму ја загадуваат животната средина и оставаат грда слика на градот. Знаеме дека лошите навики тешко се менуваат но локалната самоуправа има обврска да влијае на нивната промена посебно во делот на селекцијата на отпадот.
Ќе преземе низа на активности за намалување на количината на создаден отпад, создавање на здрава животна средина, безбедно транспортирање на отпадот до неговото финално одлагање преку воспоставување на современ интегриран систем за управување со отпад. За таа цел низ домаќинствата ќе се распределат канти за комунален и селективен отпад како и контејнери за истата цел. Ќе биде изграден рециклажен систем за механичко биолошки третман на отпад и во континуитет ќе се врши засилена едукација на населението за исполнувае на заедничката цел.
Почитувани граѓани на Битола ве повикуваме на масовна излезност на 15-ти Октомври со цел да го решиме овој проблем и да решиме низа проблеми кои го оптеретуваат овој град.
Поддршка за сите инвеститори без разлика на локацијата и за кој инвеститор се работи
Се наоѓаме во така наречената стара индустриска зона во Битола. Денес имав прилика да се сретнам со низа стопанственици кои што во очајни околности функционирале во изминатиот период. Велам очајни затоа што влијаеле на развојот на нивниот бизнис и на можноста да го прошират бизнисот, да ги прошират своите сектори на функционирање и на тој начин да вработат што е можно повеќе битолчани.
Се поставува прашањето зошто. Затоа што претходната локална самоуправа предводена од ДМПНЕ очигледно имала двоен аршин за тоа кој инвестира, каде инвестира. Тоа во следниот период мора да се промени. Значи има тука околу 50 правни стопански субјекти со голема бројка на вработени на кои што ако им обезбедиме, а тоа ќе го направиме како идна одговорна и чесна локална самоуправа, нормални услови, решавање на урбанистичкиот план, на инфраструктурните проблеми тогаш ова дефинитивно ќе биде простор кој што ќе биде многу пооплеменет, кој ќе отвори простор за нормално функционирање на стопанствениците тука, кој ќе отвори можности за многу вработувања на наши, особено млади сограѓани.
Притоа сакам да напоменам дека тоа не значи запоставување на индустриската зона која што тие ја отворија и за која лиферуваат низа шпекулации во изминатиот период. Она што сакам да го нагласам е дека за нас нема да биде важна локацијата и нема да биде важен кој е инвеститорот. Се додека тоа е во согласност со стандардите и се додека тоа значи вработување на наши сограѓани и секако додека значи развој на општина Битола. Тие наши намери заедно со носителот на советничката листа им ги ветивме денес на нашата средба и тоа е нешто што ќе го реализираме. Но за тоа, драги битолчани, потребно е на 15-ти Октомври масовно да покажеме дека животот во Битола доаѓа за сите.
