Категорија: Црна Хроника
Од билтенот на СВР Битола
СВР Битола поднесе кривична пријава против М.Б. (20) од Битола поради постоење основи на сомнение за сторено кривично дело „разбојништво“.
На 29.01.2016 година околу 23.00 часот на ул. „Климент Охридски“ во Битола пријавениот со употреба на физичка сила го нападнал Д.П. (69) од Битола при што му одзел 500 денари.
СВР Битола поднесе кривична пријава против Љ.Б. (42) и В.Б. (39), двајцата од Битола, поради постоење основи на сомнение за сторено кривично дело „измама“.
Во февруари 2015 година пријавените во два наврати го довеле во заблуда И.П. (56) од Битола дека наводно им се потребни пари за лекување на нивната малолетна ќерка. На тој начин на оштетениот му предизвикале материјална штета од 900.000 денари.
СВР Битола поднесе кривична пријава против Н.Т. (54) од Р.Грција поради постоење основи на сомнение за сторено кривично дело „фалсификување пари“.
Пријавената на 07.10.2016 година во менувачница во Битола пуштила во оптек фалсификувана банкнота во апоен од 20 евра.
