СВР Битола до ОЈО Прилеп поднесе кривична пријава против М.М. (30) од Прилеп поради постоење основи на сомнение за сторено кривично дело „Убиство“.

Пријавениот на 13.04.2017 година околу 23:00 часот во семејниот дом на ул. „Борка Медарот“ во Прилеп, се качил на вториот спрат од куќата, влегол во спалната соба во која спиела неговата баба Ката М.(79) и со хирушки ракавици на рацете, со перница се обидел да ја задуши, ставајќи и ја перницата преку главата. Во тој момент Ката се разбудила и почнала да дава отпор и за момент успеала да се отргне од својот внук. Тогаш пријавениот извадил метален боксирач и ја удрил неколку пати во пределот на главата. По неколкуте удари Ката не покажувала знаци на живот, по што пријавениот ја покрил со јорган преку глава и слегол во долниот дел од куќата. По еден час од настанот М.М. сам се јавил во ПС Прилеп и го пријавил истиот.

Од страна на ОКТУПА при ПС Прилеп извршен бил увид, известен бил ЈО кој бил присутен на местото на настанот.Од страна на истиот наредена е обдукција.

Пријавениот заедно со кривичната пријава е предаден на Судија за претходна постапка.