Најостро осудувајќи го инцидентот во Липковскиот регион од ноќта кон вторникот кога поголема група вооружени лица со униформи на УЧК ја заземаа караулата кај селото Гошинце, најголемата опозициска партија СДСМ ги повикува граѓаните на воздржаност и „да не подлегнуваат на какви било режирани сценарија“.

Од Социјалдемократскиот сојуз посочуваат дека „нерасветлувањето на инцидентите од безбедносен карактер за коишто информира власта последниов период отвора можност за различни шпекулации и тензии“.

„Сериозно се сомневаме во капацитетите на институциите кои се партиски испостави на власта“, велат во кусата реакција социјалдемократите./крај/мф/сн