Во три одделни сообраќајни незгоди во Македонија, тешко се повредени двајца тинејџери, едно осумгодишно момче и еден маж.
Имано, во четвртокот околу 11.10 часот на регионалниот пат Куманово-Свети Николе се случила сообраќајна незгода во која М.Ѓ. (19) од Куманово, управувајќи автомобил „Ауди А4“ со кумановски регистарски ознаки, изгубил контрола над истото и излетал од патот. Во незгодата со тешки телесни повреди се здобил М.Ѓ., како и сопатникот Д.С. (18) од Куманово. Истите се пренесени во Ургентен центар Скопје за понатамошно лекување. Увид на местото на настанот извршила увидна екипа на СВР Куманово.
Во 17.40 часот во Охрид на ул. „Ристо Чадо“ се случила сообраќајна незгода во која автомобил ,,Голф“ со охридски регистарски ознаки, управувано од Д.К. (41) од Охрид удрило во осумгодишно момче од Охрид. Во незгодата со тешка телесна повреда се здобило детето кое било пренесено во Општа болница Охрид. По извршениот преглед и по укажаната лекарска помош бил препратен на лекување во Специјалната болница за ортопедија и трауматологија Св. „Еразмо“ Охрид. За настанот бил известен Јавен обвинител. Увид на местото на настанот извршила увидна екипа од ПС Охрид.
Во 20 часот на патот Битола – Прилеп се случила сообраќајна незгода помеѓу автомобил „Опел Вектра“ со битолски регистарски ознаки, управувано од Б.М. (45) од Битола и автобус „Санос С314“, со битолски регистарски ознаки, управуван од З.С. (48) од село Единаковци, демирхисарско. Во незгодата со тешки телесни повреди се здобил Б.М., возач на автомобилот накој му била укажана лекарска помош во Клиничка болница Битола. Увид на местото на настанот извршила екипа од ПС Битола.
