Ве информираме дека во периодот 25-27.08.2017 година, на патеката Кривогаштани-Крушево ќе се одржи првиот меѓународен „ФИС ролер ски куп Тоше Проески“.
Организатори на настанот се Агенција за млади и спорт на Република Македонија, Скијачка Федерација на Република Македонија, Фондација Тоше Проески и клубот Олимпик Скии – Крушево како и општина Крушево и општина Кривогаштани. Натпреварите ќе се одвиваат во две категории: мажи и жени. Оваа дисциплина влегува на бодовната листа на Меѓународната скијачка организација (FIS) за Зимските Олимписки игри во Пјонгчанг во 2018 година.
Меѓународниот „ФИС ролер ски куп Тоше Проески“, би сакале да прерасне во традиционален рол ски куп, а истовремено и најреномиран на балканските простори и на тој начин да створиме традиција која најдобро ќе го отсликува спортскиот лик на градот Крушево. Со тоа нашите натпреварувачи ќе добијат уште една можност да бидат наши амбасадори претставувајќи и промовирајќи ја Република Македонија на најдобар можен начин.
Настанот ќе биде отворен од страна на заменик претседателот на Влада и министер за внатрешни работи, г-дин Оливер Спасовски.
25.08.2017
-18:00…Полагање цвеќе на гробот на Тоше Проески
-18:30…Свечено отварање во Спомен-Куќата на Тоше Проески
26.08.2017 – 09:00- старт на машка конкуренција КРИВОГАШТАНИ-КРУШЕВО 12км.
09:30 – старт женска конкуренција 5км.
27.08.2017 – Градска трка (Од влез на Крушево до Гумење)
09:00 – старт машка конкуренција 3.3км
09:30 – старт женска конкуренција 3.3км
12:00 – Доделување на награди и свечено затворање (Плоштад КРУШЕВО)
