Општина Новаци со средства обезбедени од Владата на Република Македонија преку кредит од Светска банка ќе гради уште едно ракометно игралиште во Долно Агларци.
„ Со средства обезбедени преку кредит од Светска банка општината ќе гради уште едно ракоменто игралиште кое ќе чини 1,6 милион денари.Општината веќе има изградено 5 вакви спортски терени и тоа во Горно Агларци, Новаци, Далбеговци,Гермијан и Живојно.“ рече градоначалникот на Општина Новаци, Лазар Котевски.
При крај е и изградбата на тениското игралиште со пропратни содржини за фудбал,одбојка,ракомет и детски играчки ) во с. Добромири.
Општина Новаци многу вложува во спортската инфраструктура. Минатата недела во присуство на премерот Никола Груевски и директорот на Агенцијата за млади и спорт Марјан Спасески свечено беше пуштено во употреба новото модерно и осветлено повеќенаменско игралште во Новаци. Премеирот Груевски тогаш најави дека до месец август ќе биде завршена и спортската сала кој е прв ваков спортски објект во нашата општина. Од овој спортски објект благодет ќе имаат околу 300 деца. Општина Новаци понатаму на ова место планира изградба на спортско рекреативен центар и забавен парк со играчки за деца како и отворен базен.